"Menn eiga ekki að sitja í stjórn of lengi"

sagði Jón Sigurðsson formaður Framsóknarflokksins, aðspurður um ástæður þess að Jóhannesi Geir var skipt út fyrir Pál Magnússon fv. aðstoðarmann Valgerðar, í stjórnarformennsku Landsvirkjunar.

Þarna hitti Jón naglann á höfuðið.  Menn eiga ekki að sitja of lengi í valdastöðum, - og menn eiga ekki heldur að sitja of lengi í ríkisstjórn. Þeir verða værukærir, - vald spillir. Nú er bitlingaúthlutunin í fullum gangi hjá stjórnarliðinu sbr. stjórnarformennskuna og svo ber að halda til haga annarri misnotkun á valdi, sem hefur verið í fréttum, -  ég segi ekki meir. Kjósendur ættu að taka þessi orð flokksmannsins alvarlega. Það er ekki hollt fyrir neinn hvorki flokk né fólkið í landinu að sömu menn stjórni of lengi. Eftir 12 og 16 ára setu er kominn tími til að breyta.

Athugasemdir

[Lára Stefánsdóttir, 2.5.2007 kl. 10:40]

Það mætti halda að Jón Sigurðsson telji Framsóknarflokkinn hafa allan endurnýjast, yngst og orðið sprækur af því hann gekk þar inn. En það er mikill misskilningur, það þarf að breyta í stjórnun landsins.

Þú stóðst þig frábærlega í Kastljósþættinum í gær, var stolt af þér!

Baráttukveðjur!

[Páll Einarsson, 2.5.2007 kl. 22:47]

Þetta fannst mér mjög spaugilegt þegar ég sá þetta í fréttum.

Ég er alveg sammála honum og ég vona þjóðin líka. Við erum komin með nóg af framsókn!

kveðja,

[Jens Sigurjónsson, 3.5.2007 kl. 23:36]

 Já þetta er alveg hárrétt hjá Jóni.

En hann ætti þá líka að skoða meira en bara stjórn Landsvirkjunar.